Umsebenzisi:Tarryn 29/Page 1
Page 1: Draft Space 1
U-Bonang Dorothy Matheba (wabelethwa mhla amalanga ama-25 kuMgwengweni 1987), ngusaziwako wakumabonakude weSewula Afrika, ubuntu bomrhatjho, umtloli kanye nosomarhwebo. Waziwa ngamakghono wakhe wokwethula okuhle kanye nephimbo lakhe eliqakathekileko. Wethula umdlalo womculo we-SABC 1 LIVE (nje ekuthiwa yi-Live Amp ) owakha ukukhanya kwakhe eembonini [1]. Ngo-2006 bekangumsingathi emdlalweni wokubhadela ebusuku. Abahlanganyeli bekufuze badose umtato bese baqagele ipendulo yephazili elula bese bathole imitlomelo yemali.
Ngomnyaka ka-2011, waba ngusaziwako wokuthoma weSewula Afrika owathoma umdlalo wamambala weenkundla zokuthintana owaziwa nge -B*Dazzled [2]. Ngomnyaka ka-2013, waba lithunywa lokuthoma leentjhabatjhaba lomhlobo wezimonyo i-Revlon, ngaphandle kwe-US.
Ngomnyaka ka-2014, waba ngumsingathi we-2014 MTV Europe Music Awards pre-show, okwenza bona abe mSewula Afrika wokuthoma ukusingatha umnyanya wangaphambili. Ngo-2015, waba m-Afrika wokuthoma ukunikelwa i-E! Iindaba ezikhethekileko ze-Afrika ku-E! . UBonang Matheba unabalandeli abangaphezu kweengidi ezihlanu ku-Instagram ne-Twitter.
Ngomnyaka ka-2016, wavela kukhava ye-Forbes Woman Africa, eduze nabanye abantu bengubo abathathu boke banikelwe isihloko sokuba yi-Faces of Entrepreneurship. Wakhupha incwadi yakhe ethi Kusuka ku-A ukuya ku-B begodu waveza umdlalo wakhe we- Being Bonang, kokubili ngo-2017[3]. Ngo-2018, wavezwa emlandwini wamandla we-GQ SA, we-edishini kaKhukhulamungu. Ngomnyaka ka-2024, waba mthuli wemitlomelo ye- Earthshot Prize ngomnyaka wee-2024 ebanjelwe e-Cape Town, eSewula Afrika, othoma ngemitlomelo kinoma ngiyiphi inarha ye-Afrika.
Ipilo yokuthoma
[edit | hlela umthombo]U-Bonang wabelethwa mhla amalanga ama-25 kuMgwengweni emnyakeni we-1987 eMahikeng borough eNorth West. Ubelethwa ngumma uCharlotte Mokoena uSekela-Mongameli oPhetheko we-Human Resource kanye nezeKampanini neSasol. Ubabakhe nguGampi Matheba, umfundisi omkhulu eNorth West University. UBonang ngewesitjhaba esikhuluma isiTswana.
Umndeni wakhe wathuthela e-Leondale, eMpumalanga eJwanisbhege, ngesikhathi u-Bonang asafunda esikolweni sikaRhulumede esibiza ngokuthi yi-Fourways High School esise-Fourways eJwanisbhege.
Ibizelo
[edit | hlela umthombo]Umabonakude kanye nefilimu
[edit | hlela umthombo]Ngomnyaka ka-2002, uBonang wenza ukudlala kwakhe kokuthoma kumabonakude emdlalweni wabantwana weSABC 2, i-Manhattan Fantasy Challenge nakaneminyaka eli-15. Wabuya wavela keminye imidlalo yabantwana ye-SABC 2. Ngomnyaka ka-2007, uBonang wenza i-audition yesizini yokuthoma yomdlalo womculo weSABC 1 LIVE ( eyaziwa nge -Live Amp namhlanje) ngemva kokutjhiya i-varsity. Ngokukhamba kwesikhathi wabekwa umqhele womnqobi womdlalo lo ukuze abe ngumsingathi no-Tbo Touch. Imisebenzi yakhe yokwethula yaba yipumelelo ekulu begodu kulapho ibizo lakhe elithi "Queen B" ladalwa khona. Isiqephu sakhe sokugcina sarhatjhwa mhla amalanga ama-31 kuRhoboyi emnyakeni wee-2012 njengombana amemezela bona utjhiya umdlalo. Ngemva kokusuka kwakhe ku- LIVE, waba neminye imidlalo eminengi efaka hlangana iClash of the Choirs SA, Afternoon Express, Top Billing kanye ne -KFC Taste Kitchen.
UBonang Matheba sele amukele amashowu amanengi wemitlomelo neminyanya eqakathekileko khulu iMTV Africa Music Awards 2016, Miss South Africa 2018 kanye nemidlalo yangaphambi kwe-2014 MTV Europe Music Awards kanye ne- BET Awards 2016. Mhla amalanga ali-2 kuNobayeni ngomnyaka wee-2018, uBonang Matheba wabamba ikhonsathi ye- Global Citizen: Mandela 100 kanye nosomahlaya u-Trevor Noah, i-supermodel uNaomi Campbell, i-PistolWhipPapi nabanye abantu abadumileko.
Ngo-2008, uBonang Matheba wenza indima yakhe yokuthoma emdlalweni we-SABC 1, i -InterSEXions lapho adlala khona indima ka-Nurse Seipati. Kusukela ngo-2019, wadlala begodu wakhiqiza ifilimu yedokhumenthri ethi Public Figure, eyathoma ukuvezwa mhla amalanga ali-9 kuNtaka e-Manchester Film Festival.
UBonang wasungula indlu yakhe yokukhiqiza ebizwa nge-Bonang Matheba Entertainment ngo-2017. Iyunithi yokukhiqiza inomdlalo owodwa, okuyi- 1 Magic reality show, u-Being Bonang ozimiseleko begodu otjengisa ipilo kaBonang Matheba yelanga nelanga.
NgoMrhayili 2022, waba msingathi we-Africa Magic Viewers' Choice Awards.
Ngenyanga kaRhoboyi ngomnyaka wee-2023, uBonang wamenyezelwa njengomsingathi wephaliswano le-Miss South Africa 2023.
Ngasekupheleni kukaVelabahlinze ngomnyaka wee-2024, uBonang wamemezela umdlalo wakhe weqiniso u-B'Dazzled osungulwe nguye, oqale ku-SABC 3 ngo-18:00 ebusuku SAST, mhla amalanga ama-29 kuNtaka.
Ekuthomeni kwakaKhukhulamungu ngomnyaka wee-2024, uBonang wamenyezelwa njengomsingathi we-Miss Universe Pageant.
UBonang Matheba, kanye no-Billy Porter, babamba i-Earthshot Prize Awards ebanjelwe e-Cape Town mhla amalanga asi-6 kuNobayeni 2024.
Umrhatjho
[edit | hlela umthombo]Ngomnyaka wee-2009, uBonang wathola umtato ovela esitetjhini somrhatjho i-YFM lapho atjelwa khona bona uzokufakwa emhakheni omutjha wabethuli. Wafumana umdlalo wakhe wangepelaveke wemini obizwa ngokuthi, "I-B* Hive", owaba yipumelelo msinyana ngokudzimelela ebalalelini abatjha. Watjhiya umsebenzi ngomnyaka wee-2014.
UBonang Matheba wamenyezelwa njengo-DJ omutjha womrhatjho we-Metro FM ngo-2015. Wathatha isikhundla saka-Siphokazi u-January owaba mtjhayeli we-Metro FM. Umdlalo kaMatheba we-slot i-The Front Row, waba nabalaleli abakhulu nabathabileko bekwaba kulapho kuvela ukungazwani nomphathi wesitetjhi somrhatjho, ngemva kokutjhugululwa komrhatjho, u-Bonang wabamba umdlalo ecadi komphikisi wakhe wesikhathi eside u-Lerato Kganyago ngaphandle kwesaziso sakhe. Ngokukwata kanye nokungakhulumisani kkwabo, u-Bonang watjhiya umsebenzi esitetjhini somrhatjho ngelanga elilandelako.
Imithombo lwazi
[edit | hlela umthombo]- ↑ "Figure 2: Female, 38 years old, squamous cell carcinoma of the cervix, p16 negative". doi.org. Retrieved 2025-09-04.
- ↑ Bonang. Oxford Music Online. Oxford University Press. 2015-01-13.
- ↑ Matheba, Bonang (17 July 2017). From A to B. BlackBird Books. ISBN 9781928337423.
{{cite book}}: CS1 maint: date and year (link)