IHendrina
IHendrina yidorobha elikumasipala we Steve Tshwete, ongaphasi kwesifunda seNkangala esifundeni seMpumalanga eSewula Afrika. Idorojaneli, litholakala ngemva kwamakhilomitha ama-53 etlhagwini-tjhingalanga yedorobha i Ermelo, godu, liphinde litholakale ngemva kwamakhilomitha ama-40 esewula-tjhingalanga yedorobha iCarolina. Kanti liphinde litholakale ngemva kwama khilomitha ama 53 esewula yedorobha i Middleburg.
Umlando wedorobha
[edit | hlela umthombo]Idorobha le Hendrina lathoma ukuba khona ngomnyaka we-1914 eplasini ekhabe libizwa nge Garsfontein Farm. Kulidorobha elithiyelelwe ngo Hendrina Beukes, ekumfazi ka Gert Beukes. uGert Beukes bekumnikazi wokuthoma weplasi i Garsfontein. Yize kunjalo, abaphathi abakhulu ekhabe bengamele idorobheli khabe kuyikomidi yezepilo kunye nesigungu sendawo ngomnyaka we-1919 kuya emnyakeni we -1926.
Umnotho
[edit | hlela umthombo]Umnotho omkhulu ofunyaneka edorobheni iHendrina utholakala emamayini wamalahle atholakala eendaweni ezitjhidelene nedorobheli. Godu kunamaplasi amanengi, lapha kutjalwa khona iintjalo ezifana namabhontjisi, amazambana kunye nomthombo. Kuyindawo eneentetjhi ezimbili ezikulu eziphehla igezi eziphethwe ngezinye zeenkampani ezikulu enarheni yeSewula Afrika i-Eskom. Iintetjhi lezo ziyi Arnot Power Station Kunye ne Hendrina Power Station.