Ifundo
_Madagascar.jpg)
Ifundo
[edit | hlela umthombo]Ifundo esikhathini esiphila kiso ibalulekile empilweni zabantu ngombana inabisa ilwazi lomuntu begodu yandisa nekghono lomuntu, lokhu kufaka hlangana ukwamukela ilwazi elitjha ngesibanga sokungezelela lelolwazi esele unalo begodu ifundo inikela isisekelo sengemuso elihle.
Esikhathini esiphila kiso imisebenzi eminengi sele ifuna ilwazi elithize lefundo, Ifundo enarheni yekhethu ihlukaniswe ngokwamazinga amabili, okufaka hlangana amazinga asisekelo namazinga aphakemeko.
Izinga lefundo liqakatheke khulu ekulemukiseni abantu ngezinga lwelwazi nanyana lefundokghono abanawo. Esikhathini esinengi abantu abanezinga eliphezulu lefundo basebenzisa amagama womukhakha loyo ifundokghono lakhe liwela ngaphasi kwakhona. Amagama la kungenzeka angazwisiseki komunye umuntu ongakafundeli ifundokghono lakhe.
Ngebanga lobudisi obukhona lokha nawungakafundi, ababelethi abanengi bazithola ngaso soke isikhathi bakhuthaza abentwana babo bonyana bafunde. Lokhu bakwenza ngombana babathanda begodu bafuna ukuthi babe nekusasa elihle nanyana ingomuso elingcono.