Mbandzeni

U-Mbandzeni (owaziwa nangokuthi ngu-Dlamini IV, Umbandine,] Umbandeen[3]) (c. 1855–1889) bekayiKosi ye-Swaziland (manje eyi-Eswatini) kusukela ngo-1872 bekube ngu-1889. Ingwenyama Mbandzeni bekayindodana ka-Mswati II no-Nandzi Nkambule . Unina umfazi weKosi uMswati bekahlongakele asesemncani khulu.^[1]^[2]

U-Mbandzeni wakhwela esihlalweni sobukhosi ngemva kobana umfowabo u-Ludvonga II ahlongakale ngaphambi kobana abe yikosi. Ukuhlongakala kwaka-Ludvonga kwabangela bona unina u-Inkhosikati Lamgangeni amukele u-Mbandzeni obekangananina njengendodanakhe, lokho kwamenza waba yikosi begodu yena waba yikosikazi ye-Swaziland. Inhlokodolobha yakhe yobukhosi gade iseMbekelweni. Ngesikhathi sobukhosi bakhe u-Mbandzeni wanikela ngeemvume ezinengi zemayini, ukulima, ukurhweba kanye nokuphatha ebantwini abamhlophe abavela e-Britain ne-Transvaal. AmaBhunu bekakhohlise ikosi bona isayine iimvumelwano zomhlaba unomphela. Ikosi beyingakghoni ukufunda nokutlola, njeke amaBhunu amenza bona atlikitle iimvumo ngesiphambano. Ikosi yatjelwa bona bekungasiwo umhlaba onomphela kodwana amaphepha ngokwawo atjho ngenye indlela. Ukuvunyelwa okunikelwe ngokusizwa ngu-Offy Sherpstone ekugcineni kwaholela emihlanganweni ka-1884 no-1894, eyehlisa imingcele ye-Swaziland begodu ngokukhamba kwesikhathi yenza i-Swaziland yaba yindawo evikelweko ye-South African Republic.^[3]^[4]

Iinkomba

[1] ttps://landportal.org/sites/default/files/library/resources/20210202%2520Eswatini%2520timeline%2520FINAL.pdf

[2] ttps://www.cambridge.org/core/journals/journal-of-african-history/article/abs/pedi-go-down-the-land-belongs-to-us-the-pedi-polity-the-boers-and-the-british-in-the-nineteenth-century-transvaal-by-delius-peter-johannesburg-ravan-press-london-heinemann-educational-books-19831984-pp-xiv-279-1650/220FB6C835F8C0259C1BB25F090A50F2

[3] ttps://link.springer.com/chapter/10.1057/9780230271159_157

[4] ttps://www.taylorfrancis.com/books/mono/10.4324/9781315306797/swazi-hilda-kuper

[1]

[2]

[3]

[4]