Siyabuswa
ISiyabuswa kuyindawo eseSewula Afrika, esesiFundeni seMpumalanga (eSiyingini ekhabe sibizwa ngeEastern Transvaal ngesikhathi sombuso webandlululo). Ngesikhathi sombuso webandlululo, iSiyabuswa khabe kuyikomkhulu lesabelo saKwaNdebele. Indawo le ibe yikomkhulu kufikela ngesikhathi sangomnyaka we-1981 kufikela ngewe-1986, ekukulapha yajanyiselwa khona yindawo yaKwaMhlanga. Abantu abahlala eSiyabuswa ngobunengi (Inani labantu ngokuya ngeembalobalo zomnyaka wee-2011: 36 882) kubabantu abangebesitjhaba samaNdebele. Esikhathini sanje, iSiyabuswa kulikhaya leentjhaba, izizwe ezinengana tle, okubalwa hlangana isitjhaba samaNdebele nesamaPedi.
Zokuthutha
[edit | hlela umthombo]Indawo yeSiyabuswa inzinze pheze emakhilomitheni amatjhumi amathathu (30km) eSewula Tjingalanga yedorobha leMarble Hall. Indlela ebizwa nge R573 (evamise nokubizwa ngeMoloto Road) ekuyindlela ehlanganisa iPitori, iKwaMhlanga kunye neMarble Hall indlula khona eSiyabuswa. Godu endaweni le, Ikhona indlela ebizwa ngeR568, ethoma khona eSiyabuswa beyifike KwaMhlanga.